Астаналықтар автобустардың толы екеніне және аялдамада ұзақ күтуге шағымданды

Елордада да аялдамада тоңып, автобусты жарты сағат күтуге тура келеді. Ал келген көлікке қарасаңыз, доңғалақ үстіндегі шабақ консервісіндей лық толы.

Threads желісінде бір бойжеткен қоғамдық көліктің жұмысына шағымданды. Ол автобусты 30 минут күткен, алайда келген көліктің іші жолаушыларға толып тұрған. Оның үстіне, бойжеткен күткен аялдама маршруттың басынан санағанда небәрі жетінші аялдама екен. Яғни алда әлі бірнеше аялдама бар, бірақ бос орын қалмаған.

Таблоға сәйкес, келесі автобус 20 минуттан кейін келуі керек. Алайда жолаушының тәжірибесіне қарағанда, бұл уақыт оңай-ақ 30 минутқа созылып кетуі мүмкін. Мұның бәрі аязда болады, өйткені аялдаманың өзі де суықтан қорғамайды.

Алматыдағы жағдайдан айырмашылығы шамалы: алдымен тоңасың, содан кейін автобусты күтесің, соңында оған мінуге тырысасың. Егер міну мүмкін болмаса, ойынды қайта бастауға тура келеді. Ал Астанада бұл "шытырман оқиғаға" солтүстіктің желі қосылады. Әрине, романтика бар, бірақ тым экстремалды сияқты.

Қазақстанда қоғамдық көлік біртіндеп ішіне кез келген адам кіре алмайтын жабық клубқа айналып бара жатқандай.