Оқу-ағарту министрлігі бекіткен оқу кестесіне сәйкес, екінші тоқсанның соңғы оқу күні – 25 желтоқсан, жұма. Осылайша, оқушылар 28 желтоқсаннан бастап қысқы демалысқа шығады. Ал сабақ 2027 жылғы 11 қаңтарда қайта басталады.
Бірінші сынып оқушылары үшін қосымша қысқы демалыс та қарастырылған. Олар 2027 жылғы 8-14 ақпан аралығында жеті күн демалады.
Айта кетейік, желтоқсанда оқушыларды тағы бір қосымша демалыс күні күтіп тұр. 16 желтоқсанда Қазақстанда Тәуелсіздік күні атап өтіледі. Биыл мереке сәрсенбіге сәйкес келеді, сондықтан демалыс күндерін ауыстыру жоспарланбаған.
Бұған дейін желтоқсанда бес күндік жұмыс аптасымен еңбек ететін қазақстандықтарды тоғыз демалыс күні күтетіні хабарланған еді. Оның ішінде әдеттегі төрт демалыс жұбы мен Тәуелсіздік күні бар. Ал алты күндік жұмыс аптасында бес демалыс күні болады.
